118. De Beata Maria V.

1. Anna partu solvitur,
Prodit et inflectitur
Ex recto coniugii,

2 a. Genitivus numinis,

Ablativus criminis,

Dativns remedii.

2b. Haec est virgo virginum,
Ex qua lucis luminum
Se protendunt radii.

3 a. O beata filia,
Cuius excellentia

Splendor est ecclesiae,

3 b. Quam et sanctus spiritus
Prophetis antiquitus
Praemonstravit varie:

4 a. Per columbam simplicem
Sed indeceptibilem,
Per accensum fruticem
Sed inconsumptibilem,

4b. Et per portam fulgidam
Sed, quae nulli patuit,
Et per virgam aridam,
Sed, quae mire floruit.

5 a. Sed quid plura ?
Virgo para
Tot insignis
Fulget signis,

Quot caelum sideribus ;

5 b. Est Maria
Vitae via,

Salvans portus,
Vernans hortus
Paradisi floribus.

6 a. Arca legis,
Thronus regis,
Fanda David
Quae prostravit

Principem exercitus.

6 b. Flos candoris,
Vas honoris,
Olla spei,
Mater Dei,

Templum sancti spiritus.

7 a. Ut reformet mundi statum,
Verbum parit incarnatum ;
O quam casta fecunditas,
Et quam fecunda castitas !

7 b. Pura virgo fecundatur,
Verus Deus humanatur,
Stupet lex matrem virginem,
Stupetmens Deum hominem.

8 a. Christo mundum iudicante,
Te pro nobis supplicante
Matre, Anna, matris tantae,
Vitemus supplicia.

8b. Prece tua, mater Christi,
Nos exemptos leto tristi
Flos, quem virgo peperisti,
Coronet in patria.

9. Amen dicant omnia.