119. De Beata Maria V.

1. Ave Maria, gratia plena,
Dominus tecum,
benedicta tu in mulieribus.

2 a. Gratiam filii tui,
quam merito
amisimus,
tu, gratia
plena, piis repara
precibus.

2 b. Dominum, qui nasciturus
ex te totus
erat tecum,
obtineas

misericordem esse
nobiscum.

3 a. Tu super omnia
benedictum
generans, benedicta,
nos a mortis
maledicto libera.

3 b. Tu, vitae porta
supernae et via
caelestis patriae,
nos exsules
digneris reducere.

4 a. Ave, gratia plena
et pietate,

quae genuisti plenum
gratia et veritate;

4 b. Hic nobis et mortis in
hora succurre,
ac mortis examine
nos [ut] tuos recognosce.