122. De Beata Maria V.

1 a. Polum spargit iam aurora,
Et diei venit hora
Noctis privans vestia;

1b. Sidus affert iam diurnum,
Agmen fugat et nocturnum
Lux caelestis praevia.

2 a. Surge, surge, gaudens chorus,
Plaude, psalle nunc sonoras,
Nova pange gaudia:

2b. Nova vita, vitae porta,
Novae lucis lux est orta,
Renovantur omnia.

3 a. Vespere praemittitur,
Thalamus erigitur
Solis et paratur ;

3b. Vivum templum struitur,
Area iam compingitur,
Intus deauratur,

4 a. Ubi virga gloriae,
Tabula iustitiae,
Manna reportatur,

4 b. Eos caelestis gratiae
Triplici substantiae
Christus recondatur.

5 a. Quae est ista,

quae sic progreditur ?
Mira surgit,
mire conficitur
Ut aurora ?

5 b. In obscuris

noctis concipitur,
Sanctitatis

sed die tergitur
Sine mora?

6 a. In occultis

res fit mirabilis,
Matrem natus
inenarrabilis
Condit hora ;

6b. Polit urnam:

fulget spectabilis,
Plena roris
inextinguibilis ;
quam dulcora!

7 a. Nunc templi fit lotorium
Et propitiatorium,
Veri reclinatorium
Salomonis ;

7 b. Adae fit adiutorium,
Noe latitatorium,
Portentum salvatorium
Gedeonis.

8 a. Ave, stirps Iudaica,
Fetus prophetalis,
Virgula Davitica,

Flos patriarchalis,
Ave, Salomonica
Conceptus regalis.

8 b. O proles magnifica,

Splendor virginalis,

Sume nostra cantica
Mater curialis,

Tuosque salvifica

Cunctos nos a malis.