124. De Beata Maria V.

1 a. Fructus arbor salutaris,
Quae devote salutaris,
Salutantes tuearis,
Salutis praenuntia.

1b. Rore caeli fecundans,
Fecundata florem paris,
In quo florens transplantaris
Et supplantas vitia.

2 a. Aret planta planctus plena,

Vires. vitis, vitae vena,

Vires augens in amena

Iure iuncta patria.

2 b. Natus uva pressus poena,
Tu de terra non terrena
Vitis, sibi nunc in cena
Coetus almi socia.

3 a. Cedunt cedri summitate,
Subsunt rosae venustate
Sancti sortis iam beatae
Sub figura duplici ;

3 b. Ipsi cedri dignitate,
Rosae mentis puritate,
Quos in dupla qualitate
Dono vincis simplici.

4 a. Sola parens viro peris,

Dum in carne verbum geris,
In quo tamen es et eris
Bonis cunctis melior.

4 b. Cuius binam reverens
Sic naturam, nec vereris,
Quam utramque contueris
Verique proximior.

5 a. Uides nude deitatem,
In hac trium paritatem,
Sed humanam veritatem
In uno dispariter.

5 b. Sit huic trino laus communis,
Nec a laude sis immunis,
Quae nos ista fide munis
Et mones conformiter.