125. De Beata Maria V.

1 a. Rigans corda,
Sonans chorda

Decachordo consona,

1b. Purum, pura,
Nobis cor da

Quo vitemus absona.

2a. Omen laetum
Confer, letum
Aufer et dispendium,

2 b. Nomen reddens
Iam deletum

Per parentum vitium.

3 a. Boni regis
Quae nos regis
Iusto moderamine,

3 b. Documenta
Doce legis,

Praeservans a crimine.

4 a. Es lux mundi,
Nati mundi

Praestans beneficium;

4 b. Quae non sinis
Nos confundi

Nec duci per devium.

5 a. Rite maris
Stella, maris

Ignoras contagium,

5 b. Quae sanctorum
Sanctum paris
In reorum gaudium.

6 a. Tu nos ducis
Summi ducis

Ad felix consortium ;

6 b. Ubi monstras
Verae lucis

Post hanc noctem radium.

7 a. Verbum vitae
Sine vite

Dans vini dulcedinem,

7 b. In te sumit
Sunamite,

Quem reformet, hominem.

8 a. Solvat caro
Plus quam caro

Iam redempta pretio

8b. Laudes tibi,
Nec praeclaro
Ingrata sit filio.