127. De Beata Maria V.

la. O regina angelorum

Terrarumque domina,

1b. O devota, veneranda

Temporum per saecula,

2 a. Ave, virgo singularis,
Tu plena virtutibus,

2 b. Nos te semper decet piis
Venerari laudibus.

3 a. Ave, virgo speciosa,

Flos vernans per omnia,

3 b. Cuius fructus nostri luctus
Relaxavit crimina.

4 a. Te honorant,
Te adorant

Supernorum curiae,

4b. Ad te clamant
Ac implorant

Miserorum lacrimae.

5 a. Caeli via,
Patris quia

Plasmator es hominis,
Porta spei,
Requiei

Locum dans in patria.

5 b. Cum sis pia,
O Maria,

Tu vigore nominis,
Mater Dei,
Mater rei,

Omnes reconsilia.

6 a. Ergo, Christi mater pia,
Regnas in caelestibus,

6 b. Apud ipsum tuis sacris
Adiuvemur precibus ;

7 a. Ut post huius finem vitae,
Eius dante gratia,

7 b. In perenni mereamur
Exsultari gloria.