129. De Omnibus Sanctis.

1 a. Ad Dei praeconia
Resonet ecclesia

Omnes sanctos venerando.

1b. Uirgo, mater, filia
Regis regum regia,

Rege nos pro nobis stando.

2 a. Diva iussa nuntiantes,
Summo regi famulantes
Angeli sunt iugiter ;

2b. Ideoque nos orantes

Iuvent, ut cum his ovantes
Vivamus perenniter.

3 a. Patriarchae cum prophetis
Blandimentis mundi spretis
Optatae tenent quietis
Exspectata gaudia ;

3 b. Innixos quorum decretis
Cursibus mundi expletis
Nos suis dent iungi metis
Ipsorum suffragia.

4 a. Eminens apostolorum
Vita dedit his caelorum
Lucere perenne lumen ;

4 b. Doctrina rigatos horum
Nos in choro beatorum
Collocet divinum numen.

5 a. Eleganter certaverunt,
Moriendo dum vicerunt,
Martyres, et meruerunt,
Quod vivi tripudiant.

5 b. Uiam nobis sic fecerunt,
Sanguine quam signaverunt;
Duc nos, Iesu, quo iverunt,
Ne vires deficiant.

6 a. Sapienter confessores,

Verbo, vita sanctos mores
Componentes, sunt doctores
Effecti ecclesiae.

6 b. Natique in terris flores
Caelos scandunt altiores,
Ad quos nostri sunt ductores
De valle miseriae.

7 a. O felices, o beatae

Virgines, quibus Intrate Dictura est "ad nuptias.

7 b. Sponsum vestrum exorate,
Ut, ad quas estis vocatae,
Intremus delicias.