132. De Omnibus Sanctis.

1 a. Clangat hodie vox nostra
melorum symphonia,

1. Instant agmina iam, quia
praeclara sollemnia.

2 a. Resonent nunc tinnula
harmoniae organa
musicorum chorea,

2 b. Tonorumque dulcia
alternatim concrepent
voce modulamina.

3 a. Diapason altissima
per notum discrimina
tetrachordis figurarum alta
conscendens culmina

3 b. Sustollat nostra carmina
ad caeli fastigia
hymnis angelicis cohaerenda
pari melodia.

4 a. Quo nos mereamur ampla
capere promissa

4b. Sive fruituri meta
sanctorum gloria,

5. Ad quorum collegia
pia nos ducant merita.