139. De sancta Agnete.

1 a. Sponso sponsa desponsatur,
Agnes agno copulatur
In caelesti curia.

1b. Amplexata coronatur,
In corona terminatur
Illius agonia.

2 a. Rachel baec iunior

Decora facie
Aspectu pulchrior

In choro gratiae
Iacob fit carior,

Castae sunt nuptiae.

2 b. Hester eligitur

A rege gloriae,

David adducitur
Abisag hodie,

Iudith extollitur
Causa victoriae.

3 a. Agnes iure nominatur
Cuius vultus coloratur
Agni passi sanguine,

3 b. Sicut ipsa protestatur,
Dum iuvenem detestatur
Sancto loquens flamine:

4a. "Fuge, miserabilis;
Alter est amabilis,
Pulcher et mirabilis,
Cum quo copulabor;

4 b. Casta, curo amavero,
Munda, cum tetigero,
Virgo, cum accepero,
Secum gloriabor."

5 a. Ad lupanar ducitur,
Crinibus obtegitur
Virgo, dum nudatur;

5 b. Vestis sibi mittitur,
Adamator moritur,
Per hanc suscitatur.

6 a. Mente cana declaratur
Infans, quae non desolatur
In gravi certamine.

6b. In fornace non crematur
Deum laudans, quo probatur
Virgo sine crimine.

7 a. Imperante impio
Guttur eius gladio
Nece vulneratur;

7 b. Sic caeli rosario,
Martyrum altario
Rosa praesentatur.

8 a. Virginum collegio

Stans Agnes in medio
Agno sibi socio

Cum his gratulatur.

8 b. Gaudeat haec contio
Tanto privilegio ;
Felix est coniunctio,
Quae sic propalatur.

9 a. Nos Agnae consortio
Eius patrocinio,
Iuvenis, qui habitas
Cum virgine parvula,
Velis sublimare,

9 b. Ut in tuo regio
Possimus palatio
Te, qui tuos visitas
Una cum puercula
Semper collaudare.