142. De sanctis Angelis.

1 a. Laudat triplex ierarchia
Trinum Deum per ter tria
Ordinum officia,

1 b. Quae non cessat proclamare :
" Sanctus, sanctus", etcantare:
"In excelsis gloria".

2 a. Seraphin amant ardentes,
Cherubin plene scientes,
In Thronis Deus iudicat,

2b. Dominatio superna,

Quidquid mandat lux acterna,
Ipsa imis indicat:

3 a. Principatus regunt reges,
Potestates habent leges,
Per quas arcent daemones,

3 b. Mira faciunt Virtutes,

Movent caelos, dant salutes,
Suscitant[que] homines.

4 a. Nuntiant maiora uni,
Quae expediunt communi
Nobiles Archangeli.

4 b. Custodes minora portant,
Docent, ducunt et confortant
Singulorum Angeli.

5 a. Scripta docent Michaelis,
Gabrielis, Raphaelis
Horum tantum nomina.

5 b. Se ministrant et assistunt,
Ante Deum quae consistunt
Infinita agmina.

6 a. Quorum est illuminare,
Perficere et pugnare
Dei providentia.

6 b. Et nos ergo supplicemus
Ut cum eis iubilemus
In caelorum patria.