143. De sanctis Angelis.

1 a. Maiestati laus divinae,
Quam collaudant sine fine
Spiritus angelici.

1b. Ierarchiae venerentur
Angelorum, collaudentur
Omnes cives caelici.

2 a. Angelorum maiestates
Adoremus, potestates,
Michaelem principem,

2 b. Ut pro nobis intercedant,

In caeli arce qui regnant

Ante summum iudicem.

3 a. Pelle fraudes,

Michael, te petimus,
Sume laudes

quas tibi psallimus,
Princeps caeli militiae,

3 b. Ut [nos] per te

rapiamur obviam,
Archangele,

tecum ad patriam
Aeternalis gloriae.

4 a. In montis

excelsi culmine
Omnes cives
caelestis patriae
Residentes antethronum,

4b. Post mortem

infirmi corporis
Facite [his]

perennis miseris

Largiri vitae Dominum.