145. De sancta Anna.

1 a. Laetabundus

Decantet hodie mundus
Annae laudes.

1b. Totus mundus

Fies homo, si iucundus
Hanc collaudes.

2 a. Haec fuit eius causa,
Qua vitae porta clausa
Panderetur ;

2 b. Haec senex infecunda
Fit a Deo fecunda,
Ut laudetur.

3 a. Haec arbor et plantula,
Ex qua Iesse virgula
Est producta;

3 b. Haec domus, ex qua porta
Paradisi est orta
Et inducta.

4 a. Haec est canalis munda,
Per quam gratiae unda
Fuit data.

4 b. Uaec est nupta famosa
Cuius tota formosa
Fuit nata.

5 a. Haec caelum, a quo stella
Trahens nos a procella,
Terris dans lac et mella,
Caelo manna.

5 b. Haec mater matris Dei,
Ad quam suspirant rei ;
Dicamus ergo ei:
Salve, Anna.

6 a. O felix, propera,
Preces reitera,
Ne condemnetur
Gens misera ;

6 b. Ostende ubera
Nataeque impera,
Ut nos deducat
Ad supera.