148. De s. Antonio Eremita.

1 a. Summi patris ad honorem
Gloriosum confessorem
Laudemus Antonium,

1 b. In hac die deprecando

Et hunc sanctum venerando
Gaudet plebs fidelium.

2 a., In Egypto Deo gratus
Antonius fuit natus
Nobili progenie ;

2 b. Posthaecmundumtotumsprevit,
Unde totus serpens saevit,
Hostis patientiae.

3 a. Si quid ignis gehennalis
Et draconis immortalis
Insidias patitur;

3 b. Dum hic sanctus invocatur,
Ille draco superatur
Et ignis extinguitur.

4 a. Hic eremi duxit vitam,
Primum sequens eremitam
Pauli per vestigia,

4 b. Ieiuniis non adflictus

Fuit unquam neque victus
Per tormenta varia.

5 a. Ergo cantet noster chorus,
Quia pastor tam decorus
Extitit Antonius

5 b. Exorando summum regem,
Ut fidelem suum gregem
Servet Dei filius.