150. De sancta Arilde.

1 a. In Arildis memoria
Plaude, mater ecclesia:

1b. Nos ad eius praeconia
Vocum demus officia.

2 a. Haec se Christo dedicavit,
In quo trinum hostem stravit,

2b. Haec se prorsus abnegavit
Et cum Deo ambulavit.

3 a. Virgo prudens, sponsa Christi,
Per quem mundo illusisti,
Et decorem induisti,
Iam amicta lumine.

8 b. Carne munda, mente pura,
Certans contra carnis iura,
Nunquam sponso caritura
In caelesti culmine.

4 a. Gentem finesque Gloucestriae
Illustrant tuae reliquiae.

4b. Succurre nostrae miseriae,
Per te vivamus in requie.

5 a. O Arildis,

huius coenobii
Advocatrix
et spes solacii,

5 b. Ad te, mater,

clamamus filii,
Fac (nos) consortes
martyrum gaudii.

6 a. Christo tuo

pro nobis loquere,
Fac in eius
odore currere,

6 b. Fac nos sponsum
tuum agnoscere,
Quem delectant
angeli prospicere.