167. De sancto Benedicto.

1 a. Sit in donis benedictus.
Per quem pater Benedictus
Nostrae datur Galliae ;

1b. Isto flore floret pictus
Floriacus locus dictus
Suae dono gratiae.

2 a. Per pueri puritatem
Confractum integritatem
Capit capisteriuDi ;

2 b. Cuius sentit sanctitatem
Ferrum ferens gravitatem
Suum ad manubium.

3 a. Huic oblatus mortis potus
Fracto vase liquit totus
Sub crucis signaculo ;

3 b. Hac est nota nocens notus,
Abit ab his vir semotus
Tali dispar populo.

4 a. Per hunc Deus tribus cellis

Petra fere tacta stellis

Fontes facit fluere.

4 b. Mortis morsum, pater, pellis,
Sacerdotis dum compellis
Corvum panem iacere.

5 a. Vagum facis non vagari,
Maurus sicut Petrus mari
Per te fertur flumine.

5 b. Petrum leve das levari
Et coquinam non cremari
Probas viso turbine.

6 a. Recitemus de tot signis
Pauca, quibus est insignis
Vir dignus memoria;

6 b. Dum vacamus odis dignis
Specialis purget ignis
Mentem ab incuria.