168. De sancto Bernardino.

la. Laetabundus

Bernardino psallat mundus,
Alleluia.

1b. Non divisus

Bino loco fuit visus;
Res miranda.

2 a. Sic Christus eum duxit,

Velut in loco luxit

Sol de stella.

2 b. Dum plebem aedificat,
Iesum voce praedicat
Semper clara.

3 a. Quam Franciscus tenuit,
Normam secutus fuit
Pari forma.

3 b. Neque mundi prosperis
Mens eius nec asperis
Fit corrupta.

4 a. Vana docet fugere,
[Et] peccata plangere
Valle nostra.

4 b. Hinc culpae pro modulis
Plebs se caedit chordulis
Carne sumpta.

5 a. Morbus quisque pellitur,
Mors per hunc perimitur,
Gens baec spernens noscitur
Esse caeca.

5 b. Qui de sancto conferunt,
Vere cunctis asserunt
Utilem, ut referunt
Haec praedicta.

6 a. Ergo tu propera,
Cursum accelera

Ad sanctum patrem,
gens misera,

6 b. Per hunc ut prospera.
Tibi post aspera
Det, quem genuit
puerpera.