169. De sancto Bernardo.

1 a. Coenobitae

Exsultent iucunda voce,
Alleluia.

1b. Sanctum virum

Bernardum profudit mater;
Res miranda.

2 a. Ecclesia decoratur,
Iesus hinc honoratur
Sol de stella.

2 b. Maria sublimatur

A Bernardo, adamatur
Semper clara.

3 a. Sicut sidus radium,
Profert hunc coenobium
Pari forma. .

3 b. Nec mali contagio
Eius conversatio
Fit corrupta.

4 a. Ut Libanus adscendit,
Arduaque conscendit
Valle nostra.

4 b. Quis tam fuit humilis
Bernardo vel similis
Carne sumpta?

5 a. Virtutibus floruit,
Scientia claruit
Quae dici non potuit
Esse caeca.

5 b. Eius vita veneranda,
Amabilis, praedicanda,
Nobis declarat sequenda
Haec praedicta.

6 a. Hunc ergo sequamur,
Per hunc doceamur,
Ne efficiamur
gens misera.

6 b. Bernardum precamur,
Ut caelo iungamur
Dei cum virgine
puerpera.