171. De sancto Birino.

1. Caelum, mare, tellus
et, quae sunt, cuncta,

2 a. Caelos qui regit
summa potentia,
Domino
laudum iubilent organa.

2 b. Praesens et turba
mente benivola,
consona
voce personet cantica.

3 a. Qui loca orbis ampla
atque longa
terrarum spatia

3 b. Doctrina catholica
illustravit
sacra dans mandata,

4 a. Apostolicos
eligens doctores
fide fortissima

4 b. Ac sanctitate

praeditos necnon et
mira scientia.

5 a. De quorum arce summa
et perspicua

5 b. Adest Birinus tamquam
gemma splendida.

6 a. Provincia
cuius ista
per virtutum merita

6 b. Catholica
sacramenta
tenet ac fundamina.

7 a. Dei providentia

quem ante [haec] saecula
tanta replevit gratia,

7 b. Gentem quo barbaricam
adiret spontaneus
fide fultus intrepida.

8 a. Regem lavacro

salatis mox regenerat
gentemque permaximam
format ad regna
caelestia.

8 b. Omnes ad alta

levate mentis capita,
Christo laudum carmina
voce referte
clarisona,

9 a. Nos lucerna

qui donavit tanta
patris huius
praesentia

9 b. Conclamemus

simul omnes una:
Christe, salva

10. Nos per saecla.