172. De sancto Blasio.

1 a. Exsultet hodie
Chorus ecclesiae
fidelis

1b. Regem iustitiae

Collaudans regnantem
in caelis,

2 a. Quem sanctus arcbimandrita
Blasius recte coluit.

2 b. Hic verus Israelita

In quo dolus nunquam fuit.

3 a. Ad tactum beati praesulis
Spinam puer evomuit ;

3 b. Illaesum refert iam scapulis
Lupus porcum quem rapuit.

4 a. Huic parent omnes ferae,
Cui plebs non vult parere.

4b. Sebastea urbs non credit,
Cui fera sic oboedit.

5 a. In stagnum vir Dei [truditur,
Plebs infidelis mor]itur,
Sanctus vero non mergitur,

5 b. In carcerem taetrum traditur,
Verberibus lacessitur
Et flagellis convincitur.

6 a. Viro Dei

Cuncta sunt facilia;

6 b. Nihil ei

Nocent haec supplicia.

7 a. Praeparans

capat [agni] vidua
Sancto fert mente sedula,

7 b. Quam ob rem

dives et ingenua

Fit pauper muliercula.

8 a. Rastro cruciat ferrato
Tortor sancti latera;

8b. Tandem capite truncato
Sacer scandit aethera.

9 a. Martyr Christi,
Qui vicisti

Pro Christo tot proelia,

9 b. Assis isti
Plebi Christi

Opis dans auxilia.

10. Deo laus et gloria
Sit nunc et per omnia
Amen, amen, alleluia