173. De sancto Blasio.

la. Repraesentat dies iste
Laudes tibi, Iesu Christe,
Modulentur organistae,
Resultet ecclesia;

1b. Voce, mente moduletur,
Dum vox sonat, mens laetetur
Tibi, Christe, cui debetur
Laus, honor et gloria.

2a. Proquo,perquem,inquosancti
Voto, vultu, spe constanti
Congaudentes glorianti
Spernunt transitoria.

2 b. Qui fortunae fraudulentis
Non falluntur blandimentis,
Quibus Christus in tormentis
Virtus et victoria.

3 a. Christus, caput et corona,
Christus, a quo cuncta bona,
Quae promisit, praebens dona
Pro fide certantibus,

3b. Diem istum consecravit
Et honore decoravit,
Pro quo certans triumphavit
Magnus martyr Blasius.

4 a. Praesul urbis Sebastiae

Vixit sancte, vixit pie,

Cuius omnes vitae viae

Spes, fides, dilectio;

4 b. Declinanti iarbas ei
Ob amorem verbi Dei
Dat speluncam mons Archei,
Fit pauper refectio.

5 a. Ad quem omnes aegri fere
Circumquaque convenere ;
Si quem morbi tetigere,
Sanat benedictio.

5 b. Audit praeses et miratur,
Ubi praesul commoratur,
Et confestim evocatur
Districto iudicio.

6 a. Immolare dis iubetur,
Sed resistit nec terretur,
Deum vivum confitetur
Et bunc verum hominem.

6 b. Iubet praeses, ut ligetur
Et ligatus fustigetur
Et, ut caro laceretur,
Adhiberi pectinem;

7 a. Sed, tortoris et tormenta
Quanto plura sunt inventa,
Tanto patet minus lenta
Martyris constantia.

7 b. Missus ausu furiali

Est in lacum expers mali,
Sed postremo capitali
Plectitur sententia.

8 a. Praesul pie, martyr sancte,
Qui virtutis exstas taritae,
Te pro nobis mediante
Sit pax, sit securitas,

8 b. Ut post breve, postmodernum,
Quid sit longum, sempiternum,
Speculetur in aeternum
Simplex mentis puritas.

9. Ne nos nube vitiorum
Involvat obscuritas.