175. De sancto Cadoco.

1 a. Clangor sanctus nunc resultet
In sanctorum cordibus,

1b. Sancta clangat et exsultet
Mentis puris fidibus.

2 a. Confessores venerentur
In hac die Dominum,

2 b. Qua Cadocus ex caducis

Est assumptus hominum.

3 a. Sidus novum ornat caelos
In sanctorum gloria;

3b. Novae laudis novos melos
Nova det memoria.

4 a. Adhuc vivens dum vir sanctus
Teneret praesentia,

4 b. Vita fuit admirandus
In signorum gratia.

5 a. Gratus Deo, gratus mundo,
Gratiosus omnibus,

5 b. Nulli nocens, recto docens,
Vixit in hominibus.

6 a. Vincens carnem, vincens mundum
Omne vincens noxium,

6 b. Superavit et calcavit
Victor omne vitium.

7 a. In talentis servus prudens
Sic negotiatus

7 b. Audit "Euge serve bone",
Caelo muneratus.

8 a. Eius ergo precibus
Sanctis iungat civibus
Nos Christi confessor,

8 b. Nostrae laudis munia
Plena sumens gratia,
Vere intercessor.

9. Infera et supera

Dulce cantent Alleluia.