177. De sancto Cedda ep.

la. Cedda, pastor gloriose,

Serva, praesul pretiose,

Praesentera familiam,

1b. Quae te laudat copiose,
Deposcendo studiose
Per te Christi gratiam.

2 a. Cedda, confessor insignis,
Servis, reis et indignis
Pium fer auxilium,

2b. Ne peccatis aggravati
Vel tormentis deputati
Sentiant supplicium.

3 a. Cura tuis subvenire,
Qui tibi gaudent servire
Frequentatis laudibus,

3 b. Tuae laudi congregatis,
Sic mundatis a peccatis
[Sanctis] tuis precibus.

4 a. Per te, praesul, peccatores
Ad quietem post labores
Nos Christi clementia

4b. Ducat de valle dolorum ;
Te precante, sint polorum
Nobis data gaudia.

5 a. Cedda pater, pastor pie,
Servos tuos nos Mariae
Nato reconcilia,

5 b. Ut a culpis nos mundemur,
Et post mortem collocentur
In caelesti patria.