179. De sancta Cliristina.

1 a. Sion matris

et Iudae filiae,
Agni sponsae

vos, quarum nuptiae
Consecrantur
in aula gloriae,
Congaudete.

1b. Sponsus venit,
exite obviam,
Vasa ferant

lucernam praeviam,
Novae nuptae,
date melodiam
Vocis laetae.

2 a. Mundi munda in sentina,
Mundumspernensiam Christina
Christo nupsit ut regina
Decorata.

2 b. Regi nupta regis nato,
Stat a dextris cultu grato
In vestitu deaurato
Variata.

3 a. Virgo felix .

et fausti nominis,
Iam decennis

filiam virginis
Praeelegit,

terreni hominis
Vitans thorum.

3 b. Castum corpus

in turre clauditur,
Vigor mentis

liber egreditur,
Caelos pulsat,
cum rege loquitur
Angelorum.

4 a. Deos spernens, Deum orat,
Unum colit et implorat,
In hoc uno, quem adorat,
Gratulatur.

4 b. Auro fusos et argento

Deos frangit, de fragmento
Nudos fovet, hoc fomento
Recreatur.

5 a. Sed Urbanus

devotus idolis,
Dirus pater

oblitus subolis,
Torquet natam
salubris indolis
Ignis rota.

5 b. Poena cedit

tortoris ethnici,
Manus adest

caelestis medici,
Et virtute
panis angelici
Stat immota.

6 a. Nihil possunt preces, minae,
Flagra, fornax, vis resinae,
Serpens, carcer medicinae
Habent vicem.

6 b. Caesa lingua Christi zelo
Et letali fixa telo
Victis poenis mentem caelo
Dat victricem.

7 a. Tuo, virgo, sub obtentu,
Tuo detur interventu,
Cordis, oris, ut concentu
Gaudeamus.

7 b. Virgo victrix, Patrem ores,
Praestet pacem, purget mores
Gehennales, ne dolores
Sentiamus.