181. De sancto Christophoro.

1 a. Pangat melos intus foris
Grex devotus, et in choris
Fiat dulcor intimus;

1b. Non vacillet undequaque,
Vox concordet circumquaque,
Sit praecentor animus.

2 a. In martyris laudes quisque
Tota mente modulisque
Effundat praecordia.

2 b. Hic portavit mundi lumen,
Et languentes ultra flumen
Pietatis gratia.

3 a. Virga sicca praeter morem
Carens rore profert florem
Per sancti suffragia;

3 b. Christophorus digniorem
Regem quaerit in tutorem,
Magnus magna sitiens.

4 a. Hostis quando nominatur,
Rex se signat; hic miratur,
Crucis signum faciens,

4b. Regis signo admiratur,
Crucis ligno trepidatur
Regem hostem respuens.

5 a. Consolatur trepidantem
Eremita firmans mentem,
Dat huic consilium,

5 b. Perseveret in agone,
Spe mercedis et coronae
Regem colens omnium.

6 a. Gressus facit pro salute
In virtutem de virtute
Sic tenet vestigia;

6 b. Hic in Dei sui lege

Multos firmat, nec pro rege
Sprevit salutaria.

7 a. Spiculator proclamatur,
Christophorus dccollatur,
Coruscant insignia
Virtutum magnalia
Per saecula; Alleluia.

7 b. Quod testantur insueta

. i

Miranda miracula;
Sollemni memoria
Iteretur Alleluia.

8 a. Iure decet hunc laudare,
Festum magnum celebrare,
Corde, voce, opere

8 b. Omnes simul supplicare,
Secum iuvet nos regnare
In caelesti aethere.