184. De sancto Cuthberto.

1 a. Pater verbum eructavit,
Verbi rore germinavit
Iustus hic ut lilium ;

1b. Regnum tenens et supernum,
Ubi floret in aeteraum
Ante Dei filium.

2 a. Iste suis in diebus

Mundus, mundi carens rebus,
Carens labe criminis,

2 b. Lege fulsit in divina,
Quasi stella matutina
Medio caliginis.

3 a. Carne vivens, carnem mori
Fecit usu graviori

Victus, vestis asperae;

3b. Sic Cutbbertus promeretur,
Caro nitens quod videtur
Nunc post mortem vivere.

4 a. Sic expertes sanitatis
Omnis sexus et aetatis
Saluti restituit,

4 b. Caecis visum, claudis gressum,
Ad loquendum dat regressum
Quibus sermo defuit.

5 a. Sunt et patris infinita

Quae post mortem et in vita
Protulit miracula,

5 b. Cuius prece Deo grata,
Stola nobis vitae data,
Vivamus in saecula.