187. De s. Desiderio Lingonensi.

1. Pange, caterva, melos
laudum regi Christo
modulatis vocibus,

2 a. Qui est robur oppressorum,
pugnantem victoria:

2b. Per quem laude triumphali
exsultat ecclesia,

3 a. Quam exornat
in hac die sacra
Desiderii
martyris laurea,

3 b. Cuius festa

praeclara celebrat

laetabunda

in stola rosea.

4 a. Dulcis amor

Christi facit firma
praecordia ;

4 b. Pro te miles

non veretur mortis
supplicia.

5 a. Fervens igne caritatis,
pro plebe subdita,
cursum vitae capitali
complet sententia:

5 b. Dans exemplum, quositfirma
gregis constantia;
Lingonicae plebis multa
caeduntur milia,

6 a. Quae sacrarat Deo digna
fides catholica,

6 b. Quo praecessit pastor, pia
sequuntur agmina.

7 a. Quam felix, o martyr,
conscendis ad astra
cum turba plurima,

7 b. Occurrunt eunti,
tropaea ferenti,
phalanx angelica.

8 a. Quam dulcissonis
resonant vocibus
caeli palatia,

cum tot bellatorum milia,
offeruntur regnanti
supra sidera.

8 b. O quantus honor,
quanta militibus
pensantur munera,
cum pro vanis certa gaudia,
pro terrenis redduntur
dona caelestia!

9 a. Urbs Lingonica,
exsultans iubila,
tantorum patrociniis
martyrum splendida,

9 b. Horum sollemnia
devote celebra,
culparum poscens veniam,
per tanta merita.

10 a. Hi sunt qui redolent
in Christi area,
flores, quos colligit

mater ecclesia,
medelam languidae
inferens animae,
mira fragrantia.

10b. Horam te meritis,
qui regis sidera,
precamur, criminum
dissolve vincula,
et nos cum superis
iunge perenniter,
saecla per omnia.

11. Amen dicant omnia.