192. De s. Edmundo Rege.

la. Psallant coetus laetabundi,
Plaudat mundus in Edmundi
Regis natalitio,

1b. Quem amavit rex caelestis,
Ut ipsius esset testis
Nobili martyrio.

2 a. Fide pollens rex beatus,
Summi regis invitatus
Laudandi vestigia,

2 b. Paganorum sprevit ducem,
Imitatus veram lucem
Per mortis opprobria.

3 a. Hostes malis assueti
Corpus regis mansueti
Ligatum in arbore

3 b. Telis diris perforabant,
Tela telis locum dabant
Telis pleno corpore.

4 a. Sacrum caput amputatur
Et ab eis occultatur
Nemoris in invio:

4 b. Mirum dictu experitur,
Hic clamando dum auditur
Anglorum eloquio.

5 a. O stuporis monumentum,
Sacrum caput est. inventum
Sub lupi custodia;

5 b. Sepelitur pretiosum
Corpus, et fit gloriosum
Signorum frequentia.

6 a. Sic senatum introivit

Rex et martyr in quo vivit
Caelicolae curiae,

6 b. Cuius prece vera luce
Perfruamur, nobis duce
Facto rege gloriae.