195. De s. Edmundo Episcopo.

1 a. In bac valle tenebrosa
Velut stella luminosa
Edmundus emicuit,

1b. Cuius aetas puerilis
Se maturans ut senilis
Moribus effloruit.

2 a. Arto cibo, veste dura
Perdomavit carnis iura
Seu carnis inceudium,

2b. Somno brevi, vita pura;
Sic eidem mens secura
Fit iuge convivium.

3 a. Hic, cum Liae iungeretur,
Ut Racheli copuletur,
Servit per septennium,

3 b. Et grex Christi fit fecundus,
Dum succedit hic secundus
Iacob, pastor ovium.

4 a. Transiturus ab hac vita,
Testamentum condit ita,
Mundus hic a crimine :

4 b. Mihi testis tu es certe,

Quod in terris nil praeter te
Exquisivi, Domine.

5 a. Archipraesul hic Anglorum,
Hic est vera Burgundorum
Et salutis copia:

5 b. Caeci, surdi, claudi, muti
Hoc testantur, assecuti
Sua beneficia.

6 a. Ergo munda nos, Edmunde,
Et pro nobis preces funde
Christo regi gloriae,

6 b. Ut tuarum dictu precum
Nobis donet frui tecum
Sempiterna requie.