203. De sancta Etheldreda.

1 a. Aurea paradisi

rutilans [in] portis castra,

1b. Simul et terrigena

ampli arvi omnis turba.

2 a. Celsae gloriae
hymniflua melodia
splendentia festa

2 b. Matris inclitae,

Christi sponsae castissimae,
Etheldredae (nunc) canant ;

3 a. Feliciter quae rutilans

dignitate angelorum esse laeta.

3 b. Sublimiter renitescens

archangelorum ovatinter gaudia.

4 a. Cuius laus refulget
alti regis
aula in caelica;

4 b. Cuius et virtutes
per quaterna
triumphant climata,

5 a. Multiplici gloria

quas Christi frequentant,

5 b. Sanans quaeque infirma
et dans quaeque bona.

6 a. O quam clara

meritorum praemia
Virgo et regina
tenes Etheldreda,

6 b. Enarrare

nostra non valet lingua.
Salve, mater casta,
laude honesta,

7 a. Agni sequens vestigia
celsi poli auriflua
per arva,

7 b. Voces nostras humillimas
audi clemens, Christo nosque
commenda.

8. Gloria cui perpes
sit per saecula.