207. De ss. duobus Ewaldis.

1 a. Agrippina, sacro cultu,
Fausto pede, laeto vultu
Consurgas ad gaudia,

1 b. Festa colens baec praeclare,
Laude Christum venerare
Patres in hac patria.

2 a. Patres sunt Ewaldi duo,
Quos de regno larga suo
Nobis dedit Anglia,

2 b. Qui dum dogma ferunt Christi,
Damnat sanctos nece tristi
Perfida Saxonia.

3 a. Gens durescens quasi saxa,
Plebs sub lege nimis laxa,
Plaga plena tenebris,

3 b. Patres mactat et in Rhenum
Iactat quasi vile scenum
Laudis heros celebris.

4 a. Sursum vehit ambos flumen,
Adest vectis caeli lumen
Sine nave patribus,

4 b. Hosque simul in divina
Redeuntes Agrippina
Sacris locat aedibus.

5 a. Ergo, Deus, te laudando,
Nos gratamur venerando
Patronos et dominos,

5 b. Quorum sacra fultos prece,
Lux post vitae lucem caecae,
Iesu, iunge tibi nos.