212. De sancto Francisco.

la. Gloriosa iam per orbem
rutilat festivitas,

1b. In qua mirae sanctitatis
inter turmas caelicas

2 a. Homo digne honoratur,
magnis pollens meritis,

2 b. Qui in terris adhuc vivens
iungebatur superis ;

3 a. Fide, voto, corde toto
imitando Dominum,

3 b. Intus ardens, extra lucens,
fragrans velut lilium.

4 a. Innocentiae candorem
eius vita comprobat,

4 b. Et odorem bonae famae
totus orbis praedicat.

5 a. Hic amator veritatis
circuibat saeculum,
Summi regis vice fungens
et ferens signaculum

5 b. Ut expellat inimicos,

quorum vita reproba,
Et amicos introducat
ad regis palatia.

6 a. O Francisce, caeli sidus,
angelorum socie,

6 b. Qui apostolis insertus
es in throno gloriae,

7 a. Regi summo nos commenda,
et committe iugiter,

7 b. Ut nos salvet. et post ista
coronet perenniter.