216. De sancto Geminiano.

la. Adest gloriosa

Lux festivitatis,
In qua orta rosa
Regno deitatis

Est novae venustatis.

1b. Psallat gratiosa
Plebs fidelitatis
Voce speciosa
Cantus novitatis
In laude Trinitatis.

2 a. Dies est Geminiani
Christi confessoris
Nostri praesulis humani
Quondam et pastoris
In templo Salvatoris ;

2 b. Qui sanavit Ioviani
Natam verbis oris,
Et sedavit Attylani
Furiam furoris,

Athleta redemptoris.

3 a. Cedrus erat gratiae,
Oliva caritatis,
Palma continentiae,
Cipressus sanctitatis,
Flos micans pietatis.

3 b. Pater erat pauperum,
Dis vere paupertatis,

Exstirpator scelerum
Et infidelitatis,

Doctrina veritatis.

4 a. Post laborum

Cursum horum
Caelo collocatur,

Et ad chorum

Confessorum

Digne sublimatur,
In terris adoratur.

4 b. Ubi purae

Sepulturae

Corpus tumulatur,

Omni durae

Mox pressurae

Carnis salus datur,
Omnis languor fugatur.

5 a. O praesul conditoris,
Regnans in caeli choris,

5 b. Nos serva cunctis horis
A lapsu transgressoris.

6 a. In fine vitae bonis
Iunge caelique thronis,

6 b. Ut Christi visionis
Fruamur veris donis.

7 a. Te omnium
Colentium
Sis bravium
Tutoris,

7 b. Peccantium
Consilium,
Remedium
Languoris.

8 a. O gratiae

Rex omnium
Lux gloriae

Sublimium,
Spes veniae
Credentium,

Vera quies laboris,
Plena merces victoris,

8 b. Laetitia

Caelestium,
Post impiae

Hoc gentium
Miseriae
Exsilium,

Iunge caelique thoris
Nos prece confessoris.