217. De sanctis Geminis.

1 a. Adest iam

festa dies

et praeclara,

caeli in qua

resultant agmina;

1b. Gaudeat

nunc caterva

beatorum

geminorum

colens sollemnia.

2 a. Quam sancta mater gratia

geminos

pariens

nova infantia I

2b. Felix proles dignissima!

nati sunt

pariter,

caelum scandunt una.

3 a. Vobis, o sancti gemini,

rex magnalia

per visum prius

ostendit, quam sancta

percepissetis

fontis lavacra.

3 b. Speosippe, lactis munera

praebens avia

monebat sacris

monitis, ut constans

pro Christo esses

ad certamina.

4 a. Eleosippe,

Dominum cum magna

vidisti gloria

in sede clara

Dicentem tibi:

Nolito timere ;

coronaberis

pro victoria.

4 b. Meleosippe,

tibi rex plurima

conferens famina

promisit regna,

Germanos tecum

ornatos balteis

ordinans clara

per palatia.

5 a. Sic ex visione consona

mox instructi

in fidei gratia

tres cognovistis

fratres trinum

Deam in una substantia.

5b. Fides, virtutum regina,

iam edoctos

divina militia

vos ad agones

[prae]paravit,

fundatos in patientia.

6 a. O veneranda

deitas ! Una

fratres gemellos

tulit arbor, una

quos victores fecit

trinitas alma.

6 b. O admiranda

caritas illa !

Christus in ligno

factus est hostia,

servi quoque Christo

reddunt debita.

7 a. Post immensa supplicia

passi estis incendia

sicuti

tres pueri in Chaldaea.

7 b. Adest verbum patris una

grata ferens praesidia,

pugnantum

solamen et diadema.

8 a. Tandem donati laurea

ab angelis

ad caelorum regna

hoste devicto

translati estis cum palma.

8 b. Salvator ipse munera

repromissa

concedendo clara

Deo parenti

vos obtulit super astra.

9 a. Nunc petimus, vestra

ut nos emundent

iam precata,

graviter

quos accusant delicta.

9 b. In domo superna

nobis parate

lucis loca

[iam] una

cum sancta Leonilla,

10. Ubi ante thronum ''Dei

''decantemus Alleluia.