225. De s. Gulielmo Eboracensi.

1 a. Pasti greges rle pastore
Discant aure, dicant ore
Iubilum praeconii.

1b. Sit mel ori. melos auri

Nomen nostri nunc thesauri
Quondam thesaurii.

2 a. Fraudulenter qui cassatus
Ab bonore praesulatus
Latensque septennio,

2 b. Vacat contemplationi ;

Magnum malum magni boni
Saepe fit occasio.

3 a. Statu causae reformato,
Romam petit iterato;
Nullis adversantibus

3 b. Eboracum praesul redit;
Pontis casus nulli laedit
De tot turbae millibus.

4 a. In octavis Pentecostes,
Ut tres terat truces hostes
Trinitatem hostiis,

4 b. Placat patrem pio nato
Verbo vocat, voce, voto
Flatu flagrat flaminis.

5 a. Post missarum sacramenta
Epularum alimenta
Pastor praebet ovibus.

5 b. Forti febre fatigatur,

Tempus instat ut iungatur
Summis caeli civibus.

6 a. Ossa, tumba, feretum
Sacrum fundunt oleum,
Ut aroma redolent;

6 b. Corpus, carbo pariter
Ignis, vestes iugiter
Illibata permanent.

7 a. Iusto vellit oculos
Quos iacit in populos
Pugilis immanitas.

7 b. Pater praebet alios
Hos novos et varios

Probant color, quantitas.

8 a. Gloriose miles Christi,
Plebi pius assis isti,

Chorum sume supplicem.

8b. Fer solamen mundo tristi,
Et quem tibi placuisti
Nobis placa iudicem.