228. De sancto Haedda.

1. Ave, pontifex Haedde,
rutilans in aula

2 a. Contemplativa
qua agmina
iubilant
laetabunda,

2 b. Voce praeclara
qua organa
concrepant
alleluia

3 a. Die ac nocte
et cantica

3 b. In qua cantantur
angelica

4 a. Coram praesentia
deitatis intima,

4 b. Virtute propria

quae disponit omnia,

5 a. Contraria

temperans elementa,

5 b. Celsa. media

penetrans ac profunda.

6 a. Ergo nnnc consona,
Haedde, praeconia
audi nostra,

6 b. Qui apostolica
rutilas infula
super aethra.

7 a. Prece tua sancta
nos subleva,
et peccati solve
nostra omnia vincla,

7 b. Atque in tremenda
nos adiuva
dirae mortis hora,
et duc ad caeli regna ;

8 a. Ubi continua

contemplemur gaudia,

8 b. Cantantes dulcia
Deo nostro carmina.

9 a. Praestet haec grandia,
qui scit dare maxima;

9 b. Cui sit gloria

per aeterna saecula.

10. Dicant cuncta
Amen sancta.