235. De ss. Iacobo et Iohanne.

1. Praecelsa dies adest
haec veneranda.

2. Gaudeat sors apostolica
hac die sacra
perenni laetitia.

8. Humana
necne uranica
sancti viri digna

4 a. Proferant praeconia
Iacobi praecellentissima,

4b. Hunc quia morbi iura
tremunt virtute divina,

4 c. Verbo claudit aethera
et reserat potentia.

5 a. Hunc cum Iohanne
divina dextera,

5 b. Dum secus mare
firmat vestigia,

6 a. Vocat digna
satis clementia,
caelestis regni ditat gloria.

6 b. Sanctus nauta
navim et reliqua
linquens sua prorsus omnia,

7 a. Regna terrae ac maria
visitat vitae vernula,

7 b. Serens in mundo virentia
divini verbi semina.

8 a. Exsulta, Sion inclita,
Iudaea
et Samaria:

8 b. Princeps huius caelestia
pandit iam
mira mystica.

9 a. Martyrii cum gloria
intrat caeli palatia,

9 b. Sanctorum intra agmina,
ut sol fulget in aethera.

10 a. Flectat suos
lapsis ramos
cedrus paradisiaca,

10 b. Quis manum
det in signum
Raphaelis officio.

11 a. Tu speculum ecclesiae,
atque senator gloriae,

11b. Iam destitutis robore
sis fons misericordiae.

12 a. salve, decus martyrale,
sancte Dei apostole,

12 b. Nos duc tecum, piissime,
ad cenam regis gloriae,

13. Cum virtutis lampade.