236. De sanctis Innocentibus.

1. Psallant laetis mentibus
Sanctis innocentibus
Puri cordis fidibus
Innocentes.

2 a. Regis caeli filius
Nostra carne editus
Suis qui infantibus
Vitam dedit,

2 b. Nam quos mori noluit
Mortem pati voluit,
Pie pro se posuit
Innocentes.

3 a. Regis nati nuntium
Fert in terram gentium
Stella micans nimium
In Chaldaeam.

3 b. Gnari astronomiae
Visa stellae specie
Natum regem gloriae
Cognoverunt.

4 a. Myrrham et tus capiunt,
In Iudaeam veniunt:
"Ubi est rex," inquiunt,
Qui natus est?"

4 b. Ut Herodes audiit,
Legis doctos adiit:
"Ubi Christus" quaesiit,
"Nasci debet ?"

5 a. Tacto vaticinio

Dicunt: "Sine dubio
Exiet redemptio
Ex Bethlehem."

6 a. Illi duce sidere

Vadunt Christum quaerere;
Hic infantes perdere
Coepit omnes.

7 a. O crudelis bestia,
Herodis saevitia,
Quae tot spernis dulcia
Vota matrum !

8 a. Innocentes pueri,

Ad vos clamant miseri,
Ad tenellos teneri
Proclamamus.

5 b. Qui responso territus
Inquit: "Ite primitus
Nosse, si sit genitus,
Ut adorem."

6 b. Trucidantur teneri
Super matres liberi
Mensis, anni ceteri
A bimatu.

7 b. O Christi dilectio!
Quos non bona actio
Tua miseratio
Hos coronat.

8 b. Ferte locis omnibus
Choris puerilibus,
Infantes, infantibus
Auxilium.

9 a. Vale, Sion, urbs beata,
Vale, caeli regio,
In qua gaudet, psallit, floret
Innocentum legio.

9 a. Vale sancta, vale dulcis
Angelorum patria,
In qua sancti Christo canunt
Et dicunt: Alleluia.