237. De sanctis Innocentibus.

1. Pura Deum
laudet innocentia

2 a. Innocens Christus sua
quam sacrat infantia

2 b. Parvulorum et morte
martyrum pretiosa,

3 a. Quos saevitia

Herodis dare
neci iusserat

3 b. Dum exstinguere
nititur

illum qui vitam
dare venerat:

4 a. Natum namque regem audierat,
Quem succedere
sibi posse inani
pavore formidabat,
quia non caeli
regem noverat; *

4 b. Mox invidia
accensus et ira
fervida

infantes

a bimatu et infra

5 a. Occidi iubet
in tota Davidis
Bethleem
pariter
et eius
per cuncta confinia.

5b. Statimmilitumperguntagmina
Ac tyrannica
complent iussa mactantes
millia innocentum
inter dulcia
matrum ubera.

6 a. O impietas,
o saeva nimium
feritas,

o nunquam
audita crudelitas,

6 b. Insontes culpa

non est quae noxios

faciat

aliqua

et mortis

subeunt discrimina.

7 a. O Christi miranda

semper et in istis gratia,

7 b. Pro se passis aeterna

quibus est largitus praemia.

8. Ipsi laus sit

nunc et in saecula.