238. In Nativitate s. Iohannis Bapt.

1 a. Hanc Iohannis Zachariae
Diem ornat filius,
Regis summae nionarchiae
Praecursor egregius.

1 b. Flos prae cunctis huins viae
Redolens fragrantius
Nunc caelestis hierarchiae
Sidus est splendidius.

2 a. Gabrielis vox delatrix
Huius nutu supero
Fit et linguae coligatrix
Vinclo patris aspero.

2 b. Ad adventum Dei matris
Exsultat in utero,
Natus solvit linguam patris
Nomine gracigero.

3 a. Antra petit hic deserti
Mox datus infantiae,
Mellis locustis inserti
Fit cibus inediae,

3 b. Artus vita tunc operti
Cameli lanitie,
Clamat verbi vox diserti
Fructum paenitentiae

4 a. In deserto praeconizans

Monstrat Christum digito,
Sicque fit hic prophetizans
Plus quam vatis merito.

4b. In Iordane quem baptizans
Novae legis debito
Donum cernit catechizans
Lavacro nos inclito.

5 a. O quis nunquam trinitatis
Sic sensit praesentiam
Sensibusque veritatis
Praecepit notitiam ;

5 b. Ad quam, praeco deitatis,
Nos adduc per gratiam
Cuius semper maiestatis
Contemplaris gloriam.