239. In Nativitate s. Iohannis Bapt.

1 a. Solve melos debitum,
Recolendo meritum
Iohannis, ecclesia,

1 b. Quem conformem superis
Testantur prae ceteris
Veri sponsi studia,

2 a. Manu patris editum
Nomen mox emeritum
Ditat eloquentia

2 b. Obmutentem primitus,
Dum promissa caelitus
Horret diffidentia.

3 a. Hic occultos aditus
Regis alvo positus
Pandit per praeludia

3 b. Matre matri Domini
Extra ipsas nemini
Nota dante basia.

4 a. Veste, cibo tenui

Fretus, sprevit indui,
Caris praefert vilia ;

4 b. Lavans Christum flumine,
Audit almo flamine
Paterna eloquia.

5 a. Martyr rubens sanguine,
Virgo vita, nomine,
Prima vatum gloria,

5b. Quem monstrasti digito,
Patri cum paraclito
Nos reos concilia.