246. De S. Iohanne ad portam Latinam.

la. Virgo mater gratuletur
in orbe catholica,

1b. Regi regum pangat melos
nova promens cantica;

1 c. Laus illi et gloria.

2 a. Iohannis evangelistae
praecelsa sollemnitas

2 b. Hodie per totum mundam
laudes habet debitas

2 c. Et laudum praeconia.

3 a. Qui vocatus patrem sprevit
et navem et retia,

3 b. Redemptoris vocem sequen s,
post vocem vestigia;

3 c. O quanta fiducia !

4 a. In monte transfigurati
vidit mirabilia,

4b. In cena secreta Dei
didicit sublimia ;

4 c. O quanta magnalia .!

5 a. In cruce dum pateretur
rex mortis supplicia,

5 b. Virginem virgo servandam
sumpsit in custodia;

5 c. O quanta pudicitia !

6 a. Post assumptionem eius
ad supernam curiam

6 b. Beatus evangelista

mittitur ad Asiam

6 c. Summa providentia.

7 a. Hunc ante portam Latinam
ad Romae spectacula
Oleum fervens non laesit;
quam pulchra miracula
et clara victoria!

7 b. Propter insuperabilem
eloquii constantiam
Domitiani Caesaris
raptus per iracundiam
dum subit exsilia,

8 a. In Patmos apocalypsim
scripsit de ecclesia,

8 b. De stata eius praesenti
et sanctorum gloria

8 c. In caelesti curia.

9 a. Ephesum post cum rediit,
suscitavit viduam,

9b. Animam adolescentis
revocavit mortuam:

9 c. O quanta clementia !

10 a. Cratonem philosophum
traxit ab idolatria.

10 b. De stulto mundi contemptu
ad virtutum studia;

10 c. O quanta scientia I

11a. Saxa virgas, aurum gemmas
viva per imperia

11b. Mutavit et reformavit
in natura propria ;

11 c. O mira potentia I

12 a. Homines veneno mortis
perpessos naufragia,

12 b. Hic illaesos reparavit
ad vitae praesidia

12 c. Sua per suffragia.

13 a. Carnis liber a dolore
Sicut a lascivia

13 b. Ab illo quem diligebat
transfertur in gloria

13 c. De omni angustia.

14 a. Cum quo regnat coronatus
triumphali laurea,

14b. A quo fulget decoratus
virtute virginea;

14 c. O felix amicitia I

15 a. Ipse nobis peccatorum
conferat remedia,

15 b. Per quem omnes veniamus
ad aeterna gaudia,

15 c. Christi favente gratia.