250. De sancto Iohanne Ev.

la. Assit Christus,

sanctorum gloria,

1b. Panis vivus,

nostra victoria,

2 a. Verus doctor,

et salus hominum,

2b. Ut nos purget

a mole criminum.

3 a. Eius namque

pia sollemnia

3 b. Colit gaudens

mater ecclesia,

4 a. Qui ad nutum

superni numinis

4 b. Custos fuit

Mariae virginis.

5 a. Hic dilectus prae ceteris
fuit a Dei filio,

5 b. Supra pectus salvatoris
dormivit in convivio.

6 a. Fluenta sapientiae

bibit ibi cum gaudio,

6 b. Ad exstirpandas haereses
evangelico gladio.

7 a. Nam Iohannes prae aliis
haeresiarchas destruit,

7 b. In signis et virtutibus
mirabilis apparuit.

8 a. Drusianam morte victam
coram multis suscitavit.

8 b. Templum miro modo factum
cum Diana prece stravit.

9 a. Viros veneno perditos
sospitati restituit.

9 b. Venenum, fervens oleum
laetus bibit, sustinuit.

10 a. Saxa gemmas, virgas aurum
fecit virgo miras mirum.

10b. Aurum gemmas in antiquam
reformavit genituram.

11a. Gemmas valde pretiosas

fractas ob vanam gloriam

11b. Reddidit sanctus integras
per Iesu Christi gratiam.

12 a. Per haec et his similia
convertit multa milia,

12 b. Quos caelesti pane pavit,
sacrosancto fonte lavit.

13 a. Cum in bona senectute

vir sanctus pie viveret,

13 b. Ostendit dux fidelium
apostolo quid faceret,

14a. Dixit ad eum dominus:

Paratum est convivium,

14b. Exspectat te tripudians

Festiva grex sodalium."

15 a. Mira plenus laetitia,
visa magistri facie,

15 b. Vivus intravit foveam

laudando regem gloriae.

16 a. Fidelis colat populus
inauditas exequias,

16 b. Ut in Dei convivio

cura sanctis red dat gratias.