251. De sancto Iohanne Ev.

1. In cena

Dei Iohannes recumbebat,
pectus Domini sugebat,
altius ceteris sapiebat.

2 a. Matrem suam

Dominus in cruce
dilecto suo commendabat,

2b. Dicens: "Ecce
mulier, filius
tuus, ecce materque tua."

3 a. Ex illa accepit hora
Iohannes eam in suam.

3 b. In Patmos erat insula,
apocalipsin scripserat.

4 a. Drusianam viduam
iterum ad vitam,
favente Deo, vocabat.

4 b. Iuvenem mortuum,
domino iuvante,
vivere, stare iubebat.

5 a. De nuptiis volentem
nubere vocaverat

5 b. Dominus et Petro: " Sic
eum volo esse", dixerat.

6 a. Hic est, qui ista
[evangelii]
scripserat verba.

6 b. Et scimus, quia
sunt vera eius
testimonia.

7. Sanctus Iohannes
pro nobis intercedat.