255. De s. Iohanne Beverlacensi.

1 a. Chorus noster iucundetur
Et devote celebretur
Iohannis memoria,

1 b. Quem patronum congaudemus,
Illi digne concantenius
Laudes et praeconia.

2 a. Nos condecet hunc laudare
Atque semper implorare
Eius patrocinia;

2 b. Cuius vita gloriosa

Exstitit miraculosa

Sola Dei gratia.

3 a. Mutos fecit hic loquentes,
Atque surdos audientes,
Fugavit daemonia.

3b. Caeci vident et laetantur,
Claudi currunt et curantur
Cuncta morbi genera.

4 a. Res miranda, vas confractum
Vinum servavit intactum
Eius in convivio ;

4b. Stupent, mirantur convivae,
Musti vini et servisae
Non fit minoratio.

5 a. Defunctus resuscitatur
Adolescens et laudatur
Domini potentia.

5 b. Sancte pater, nunc precamur

Ut, te duce, perducamur

Ad aeterna gaudia.

6. Amen dicant omnia.