258. De sancta Katharina.

la. Dilecto regi virtutum
omnes pari concordia

1b. Laudes demus, venerantes
huius diei gaudia.

2 a. In qua,

contempta Maxentii Caesaris
crudelitate et malitia,

2 b. Virgo

gloriosa et martyr insignis
ad caeli pervenit fastigia.

3 a. Urbe Alexandrina
exorta Katbarina

3b. Clara ex prosapia,
Costi regis filia,

4 a. Virtutum praefalgens gratia
litterarumque scientia,

4 b. Sancti spiritus potentia
sua lustrante praecordia,

5 a. Philosophorum vacua
honore gymnasia

5 b. Argumentis approbavit
et verbi constantia.

6a. Hinc tenetur, hinc arcetur
carcerali custodia.

6 b. Genera quidem poenarum
perferens immania.

7 a. Ad quam regina
visitandam processit
prima noctis vigilia.

7 b. Cum Porphyrio
credidit, videns ibi
angelorum obsequia

8 a. Claritate fulgentia,

8 b. Veritate potentia.

9 a. Quorum suffragiis
vincens rotas aereas,

9 b. Serras et taringas
exsuperans ferreas,

10 a. Christo Katharinam [sua]
vocante ad
regna sempiterna,

10 b. Sanguine laureata
caelos ascendit
die hodierna.

11a. Cuius corpus sepelivit
manus angelica in
monte Syna;

11b. Liquor olei illius
efficax fit infirmis
medicina.

12 a. Omnes ergo

celebrantes diei
huius natalitia

12 b. Per saecula

sint possidentes amen
sempiterna praemia.