262. De sancta Katharina.

la. Virginis egregiae
Costi regis filiae
Celebrantur nuptiae
Cum amore.

1b. In caelesti requie
Laurea institiae
Coronatur hodie
Cum decore.

2 a. Virgo vincens tenera
Blanda minas, verbera,
Servat sponsi foedera,
Spe secura.

2b. Vilipendens aspera,

Mundi calcans prospera,
Scandit supra sidera
Regnatura.

3 a. Sponsa cum tripudio
Saliens in stadio
Trino felix bravio
Coronatur.

3 b. Thoro iuncta regio,
Dum sine fastidio
Iugi sponsum otio
Contemplatur.

4 a. Post reginam luminum,
Potens apud Dominum,
Choris praeest ordinum
Ut regina.

4 b. In choreis virginum.
Flos et decus agminum,
Consolatrix hominum
Katharina.

5 a. Post agonum proelia
Scandit cum victoria ;
Laus honor et gloria
Sit in caelis.

5 b. Virginis memoria
Purget nos a scoria;
Cuius colit gaudia
Plebs fidelis.