266. De sancta Kyneburga.

1 a. Recitemus per haec festa
Voce clara vera gesta
Virginis eximiae,

1b. Kyneburgae res probatur,
Pro qua Deus operatur
Miranda mirifice.

2 a. Morbos lenit et languores
Multiformesque dolores

Rex aeternae gloriae;
Ut res factae depinguntur
Quaedam libris inscribuntur
Hominum memoriae;

2 b. Mulier ferens bufonem
Per divinam sanctionem

Capitis in vertice,
Eius ad confusionem
Foedam gerens passionem

Typo cenodoxiae,

3 a. Ab hac verme liberatur,

Amplius non aggravatur,

Kyneburgae precibus ;

3 b. Per hanc caecis lumen datur,

Et contractis reformatur

Restitutis gressibus.

4 a. Huius prece tympanites,
Hyposarca et ascites
Cedit lencoflantia,

4b. Hinc decedit paralisis,

Quam curare nequit physis,
Ardens elefantia.

5 a. Per hanc febris effugatur,
Et defunctus vitae datur,
Urens erisipula,

5 b. Et syringa cavernosa,
Anthrax ardens saniosa
Decedit et fistula.

6 a. Asthma, pleuresisque dura,
Scotosisque nocitura
Fugit et astrophia,

6b. Impetigo furiosa

Capud fedans et squamosa
Cutem crustans morphea,

7 a. Scotosisque tenebrosa.
Parotisque glandulosa
Cedit et squinantia;

7 b. Hinc sanatur et bolismus,
Vilis ventris cataclismns,
Spasnrus, epilentia.

8 a. Ab obsessis daemon cedit,
Sensus datur, salus redit,

Sanantur ergumini,
Date laudes, audientes
Ista mira, conplaudantes

Nunc divino numini,

8 b. Deprecemur amatorem
Castitatis, ob amorem
Kyneburgae virginis,
Nostrum leniat dolorem,
Et perducat ad decorem
Locum veri luminis.