267. De sancto Lamberto.

la. Laetabunda laus beato
Detur martyri Lamberto
Cum mera symphonia.

1b. Illi merces est perennis,
Angelorum lux sollemnis
Et dulcis harmonia.

2 a. Hunc moribus Deo dignis

Divinus replevit ignis

Ab adolescentia.

2 b. Miris quoque fulsit signis,
Sanctitate vir insignis
Et virtutum gratia.

3 a. Taxandriam illustravit,
Idolorum quam mundavit
Ab omni spurcitia,

3b. Et Landradam tumulavit,
Quam translatam revelavit
Divina potentia.

4 a. Detestans adulterium
Praesul subit martyrium
Orans in ecclesia.

4 b. Sic ad aram immolatur,
Sic cruore consecratur
Grata sibi Legia.

5 a. In qua concessa caelitus
Lambertus, martyr inclitus,
Ostendit miracula.

5 b. Cuius suffulti precibus

Iungamur caeli civibus

Felices per saecula.

6 a. Amen dicat chorus iste,
Semper psallat tibi, Christe,
Iucundus in patria.

6b. Amen dicat plebs devota,
Et collaudet mente tota
Tanti patris merita.