LIBER OCTAVUS

In hoc libro agit de principiis entis naturalis, et sic videtur ad Physicum pertinere, verum magis ad Metaphysicum, quia sub consideratione Metaphysicae ista tractat, de quo lib. 1. hujus, quaest. 1. et lib. 9. quaest. 4. Incipit ex dictis lib. 1. quasi logice de substantia, tractare de eadem magis realiter, tanquam de nobiliori parte subjecti hujus scientiae, cujus ponit ex jam dictis varias acceptiones. Sumitur enim pro quidditate, et pro supposito, et secundum alios dicitur substantia genus magis quam species. Additur his opinio de ideis.