271. De S. Laudo.

1 a. Laetabundus

Cum Laudo concinat mundus,
Alleluia.

1b. Lux sollemnis,

Qua praesul fit duodennis;
Res miranda.

2 a. Gaudeat de parvulo
Magnus fons de rivulo,
Sol de stella.

2 b. Sub aetate tenera
Fiunt eius opera
Semper clara.

3 a. Gaude Rothomagensis
Plebs et Constantiensis
Pari forma.

3 b. Arbor dempsa sermone
Eius, spreto daemone,
Fit corrupta.

4 a. Rothomagi corporis
Est gleba confessoris
Valle nostra.

4 b. Gaudeat sanctus Laudus,
Per quem graditur claudus
Carne sumpta.

5 a. Anus illuminatur

Per eum dum rogatur,
Quae cunctis videbatur
Esse caeca.

5 b. Super huius altare
Fulsit et luminare ;
Credere plebs dignare
Haec praedicta.

6 a. Peccata propera
Delere vetera,
Laude, te rogat
Gens misera.

6 b. Occidit littera,
Christum considera
Plebs, quem genuit
Puerpera.

7. Domino gloria
Sit per omnia,
Amen, saecula.